बाँकेका अपांगता भएका बालवालिकाहरुका लागि निः शुल्क स्वास्थ्य शिविर

नेपालगन्ज, ११ फागुन ः अपांगता भएका बालवालिकाहरुका लागि नेपालगन्जमा शुक्रवार निशुल्क स्वास्थ्य शिविर संचालन भएको छ ।
बाँके युनेस्को क्लव नेपालगन्जको आयोजना, सेभ द चिल्ड्रेनको आर्थिक सहयोग तथा नेपालगन्ज मेडिकल कलेज शिक्षण अस्पताल कोहलपुरको प्राविधिक सहयोगमा निशुल्क स्वास्थ्य परिक्षण कार्यक्रम नेपालगन्जमा गरिएको हो ।
नेपालगन्जको मंगल प्रसाद उच्च माध्यमिक विद्यालयमा गरिएको स्वास्थ्य परिक्षण कार्यक्रममा मेडिकल कलेज कोहलपुरका फिजियोथेरापिष्ट हितेश न्यौपाने, ओर्थोटिष्ट सरिता शर्मा, काउन्सिलर कमला पौडेल र सामाजिक परिचालक, राम कुमार थारुको टिमले बालबालिकाको परिक्षण गरेका थिए ।
सहयात्रा परियोजना अन्तरगत बाँके युनेस्को क्लवले बाँकेका १९ वटा विद्यालयमा कार्य गर्दै आइरहेको छ । १९ विद्यालयमा अध्ययनरत अपांगता भएका विद्यार्थीहरुको स्वास्थ्य अवस्था वुझनको लागि स्वास्थ्य परिक्षण आयोजना गरिएको बाँके युनेस्को क्लवका वरिष्ठ उपाध्यक्ष सिराज खानले बताउनुभयो ।
सहयात्रा परियोजनाले १९ वटा विद्यालयमा कार्य गर्दै आईरहेको हुनाले १९ वटै विद्यालयका अपांगता भएका विद्यार्थीहरुका लागि स्वास्थ्य परिक्षण संचालन गरिएको वरिष्ठ उपाध्यक्ष खानले जनाउनु भयो ।
स्वास्थ्य परिक्षण कार्यक्रममा ३५ जना बालक र २८ जना बालिका गरि कुल ६३ जना अपांगता भएका बालवालिकाहरुले स्वास्थ्य परिक्षण गरिएको सहयात्रा परियोजनाका कार्यक्रम संयोजक आशिष बर्माले बताउनु भयो ।
शिविरमा स्वास्थ्य परिक्षणका लागि आएका अधिकांश बालबालिका शारिरीक भन्दा पनि मानसिक रुपमा अपांग भएको पाईएको मेडिकल कलेज कोहलपुरका फिजियोथेरापिष्ट हितेश न्यौपानेले बताउनु भयो ।
बाँके युनेस्को क्लबले अपाङ्गता भएका बालबालिकाहरुको लागि नियमित स्वास्थ्य शिविर संचालन गर्दै आएको छ ।

प्रतिक्रिया दिनुहोस