नेपालगन्ज १३ मंसिर । सामाजिक सदभाव र शान्तीका लागि बाँकेको कम्दी र बनकटटीमा प्रहरी घरदैलो अभिमुखीकरण आज सम्पन्न भएको छ ।
युएनडिपीको सहयोगमा सूचना र मानव अधिकार अनुसन्धान केन्द्रले आयोजना गरेको अभिमुखीकरणमा इलाका प्रहरी कार्यालय कम्दी र बनकटटीका दुई समुहमा गरि ३० नेपाल प्रहरी र म्यादी प्रहरीको सहभागिता रहेको थियो ।
कार्यक्रममा अधिबक्ता विश्वजित तिवारी, उदयराज बर्मा र राकेशकुमार मिश्रले सहजीकरण गर्नुभएको थियो । प्रहरीहरुको समुदायमा शान्ती र सद्भाव कायम गर्न अहम भुुमिका रहने भएकोले प्रहरीहरुलाई समुदायमा सामाजिक सदभाव तथा शान्ती स्थापनाका लागि अभिमुखीकरण कार्यक्रम गरिएको हो ।
कार्यक्रममा कम्दी चौकी इन्चार्ज विष्णु गिरी र बनकटटीका प्रमुख तिलक बहादुर शाहीले हामी सधै समुदायमा खटिने प्रहरीलाई समुदायमा शान्ती तथा सदभावको कुराले थप सहयोग पुर्याएको बताउदै अब समुदायमा यस विषयमा नागरिकहरुलाई घरदैलोमार्फत जानकारी गराउने प्रतिबद्धता गर्नुभयो ।
अभिमुुखीकरणमा सहभागी भएका प्रहरीहरु समुदायमा गएर नागरिकहरुलाई प्रहरी मैत्री बाताबरण र सामाजिक सद्भावको वातावरण सदैव बनाउन घरदैलो अभियान सन्चालन गर्ने कार्यक्रम रहेको संस्थाले जनाएको छ ।