मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

बाँकेको डुडुवा गाउँपालिका मा तालाबन्दी गर्नेलाई कारवाहीको माग
  • मार्गरेखा संवाददाता

  • नेपालगन्ज माघ ५ । डुडुवा गाउँपालिका बनकट्टी (बाँके) ५ माघ । बाँकेको डुडुवा गाउँपालिका कार्यालयमा बाढीपीडितको रकम वितरणको विषयलाई लिएर केही दिन अघि गरिएको तालाबन्दी गर्ने समूहलाई कारवाहीको माग गरिएको छ । बाढीपिडितका लागि आएको रकम वितरण नगरेको भन्दै माघ २ गते राजनीतिक दबावमा अपरिचित समूहले तालाबन्दी गरेको थियो ।
    ‘तालाबन्दी गर्ने समूहको पहिचान गरी स्थानिय प्रहरी प्रशासनले कारवाही गर्नुपर्छ’ गाउँपालिका अध्यक्ष नरेन्द्र चौधरीको माग छ ।
    सो गाउँपालिकाको सूचना तथा संचार शाखावाट प्रेसित समाचारमा गाउँपालिकाको मानमर्दन हुने गरी गरिएको त्यसखाले अराजक प्रवृति पुनः दोहोरिन नदिन प्रशासनिक निकाय सजग हुनुपर्ने माग समेत गरिएको छ ।
    ‘गाउँपालिकाद्धारा संचालन हुने गतिविधिका विषयमा चित्त नबुझे छलफल गर्न सकिन्छ, तर त्यसो नगरि केहि नक्कली राजनीतिक बाढी पीडितवाट भएको तालाबन्दीमा संलग्नमाथि कानून बमोजिम कारवाही हुनुपर्छ’—अध्यक्ष चौधरीको माग छ ।
    जिल्ला विपत व्यवस्थापन समितिको निर्देशन अनुसार गाउँपालिका अन्तर्गत वडा नंं ३ का वडा अध्यक्षले गैरबाढीपीडित ३० प्रतिशतको नाम मात्र संकलन गरि पठाएको बाँकी ७० प्रतिशतको नाम छुटाएकाले ७० प्रतिशतका लागि रकम नआएपछि रकम वितरणमा समस्या भएको गाउँपालिकाद्धारा प्रेसित समाचारमा उल्लेख छ ।
    राजनीतिक दबावका कारण रकम वितरण गर्न सकिएको छैन । गत साउनमा आएको बाढीले प्रभावितहरुका लागि सरकारले प्रति परिवार रु २ हजार १ सय राहत उपलब्ध गराएको थियो । गाउँपालिकाको वडा नं. ३ का केही टोल बाहेक सबै वडामा रकम वितरण गरिसकिएको छ ।
    गत माघ २ गते राहत वितरणका विषयमा केहि व्यक्तिले सो गाउँपालिका कार्यालय र वडा नं. ३ को कार्यालयमा तालाबन्दी गरेका थिए ।

     

  • ५ माघ २०७४, शुक्रबार २०:३३ प्रकाशित
  • Nabintech
    सम्बन्धित