नेपालगन्ज ८ चैत । बाँके जिल्लाको डुडुवा गाउँपालिकाले पुर्वाधार विकास निमार्णको योजना शुरु गरेको छ । गाउँपालिकाले अहिले विभिन्न उपभोक्ता समिति निमार्ण गरि विकास निमार्णको योजना धमाधम शुरु गरेको हो ।
गाउँपालिकाको प्रथम गाउँसभाले पारित गरेको ७४ वटा योजनाको काम शुरु भएको गाउँपालिका अध्यक्ष नरेन्द्र चौधरी पप्पुले बताउनुभयो । उहाँका अनुसार गाउँपालिकाका ६ वटै वडामा सडक, पिसिसि, नाली निमार्ण, माटो पटान, ग्राबेल, कल्भर्ट पुल निमार्ण, खानेपानी, सार्वजनिक शौचालय, वाउण्ड्री निमार्ण लगायतका योजनाहरु रहेका छन ।
गाउँपालिकाको ६ वटै वडामा एक साथ काम शुरु भएको छ, भने वार्ड नं. १ होलियामा अहिले जेसिबी लगाएर निमार्णको काम भइरहेको छ । गाउँपालिकाले खारिद गरेको आफ्नै विभिन्न यन्त्रिक मेसिनद्धारा निमार्ण गर्न थालिएको छ ।
गाउँपालिकाको चालु आर्थिक वर्ष २०७४÷७५ का लागी छुट्टाइएका अधिकांस योजना कार्यान्वयनको प्रक्रियामा अघि बढेको हो । सानादेखि ठुला सबै योजना निमार्णका लागि उपभोक्ता समिति बनाएर कार्य शुरु गरिएको गाउँपालिकाले जनाएको छ ।