मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

समृद्धि र विकासका लागि प्रथम नरैनापुर दौड हुुदै
  • मार्गरेखा संवाददाता

  •  


    सोम गुरुङ्ग, नेपालगन्ज १८ माघ । बाँकेको विकट क्षेत्र मानिएको नरैनापुरमा सुशासन, समृद्धि र विकासका लागि प्रथम नरैनापुर दौड २०७५ शनिवार हुुदैछ । सडक र बत्तीसंगै आवश्यक पुर्बाधारको अभावमा सो क्षेत्रको विकास हुन सकेको छैन भने, अशिक्षा गरिबीले पनि पछाडी परेको क्षेत्रको रुपमा नरैनापुर चिनिन्छ ।
    सो क्षेत्रको समग्र विकासका लागि खेलको माध्यमले सन्देश प्रवाह गरिने उद्देश्यले नरैनापुर प्रथम दौड २०७५ गर्न लागिएको नरैनापुर गाउँपालिकाका अध्यक्ष इस्तियाक अहमद शाहले बताउनुुभयो । उहाँले नरैनापुर गाउँपालिकामा यो दौड पहिलो पटक हुुन लागेकोले यस दौडलाई सबै मिलेर सफल बनाउन पनि आग्रह गर्नु भयो । नरैनापुर गाउँपालिकाको सहयोगमा सूचना र मानव अधिकार अनुसन्धान केन्द्र नेपालगन्जले दौडको आयोजना गर्न लागेको हो ।
    सो दौड प्रतियोगितामा त्यस क्षेत्रका युवा, विद्यार्थी, किसान, कर्मचारी, महिला, समाजसेवी लगायत स्थानीयको उल्लेख्य रुपमा सहभागिता रहने केन्द्रका अध्यक्ष विश्वजित तिवारीले बताउनुभयो । यस दौड प्रतियोगिताले नरैनापुर क्षेत्रमा खेलकुदको माध्यमले ठाउँको पहिचान, विकास, सुशासन सहितको सचेतना अभिबृद्धि गर्ने लक्ष्य राखिएको नरैनापुर गाउँपालिकाका प्रमुख प्रशासकीय अधिकृत दल बहादुुर बस्नेतले बताउनुुभयो ।
    प्रतियोगितामा प्रथम हुनेलाई रु ७ हजार, दोस्रोलाई रु ५ हजार र तेस्रो हुनेलाई रु ३ हजार नगद पुरस्कार प्रदान गरिने र आगामी बर्षहरुमा पनि निरन्तरता दिने र पुरस्कार राशी पनि बृद्धि गरिने गाउँपालिकाले जनाएको छ । नरैनापुर गाउँपालिकाको वार्ड नं. १ सुईया सिमा नाकादेखि शुरु हुने दौड नरैनापुर गाउँपालिकामा पुगेर समापन हुने कार्यक्रम संयोजक रविन्द्र कुुमार ज्ञवाली जानकारी दिनुुभयो ।

  • १८ माघ २०७५, शुक्रबार २०:४१ प्रकाशित
  • Nabintech
    सम्बन्धित