मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

प्रेस स्वतन्त्रता सेनानी एवम् वरिष्ठ पत्रकार पन्नालाल गुप्तको बृत्तचित्र ‘चाचाजी’ भाेली प्रर्दशन
  • मार्गरेखा संवाददाता

  • नेपालगन्ज, माघ १९
    प्रेस स्वतन्त्रता सेनानी एवम् वरिष्ठ पत्रकार पन्नालाल गुप्तको जीवनमा आधारित बृत्तचित्र ‘चाचाजी’ प्रर्दशनको सबै तयारी पुरा भएको छ । उक्त बृत्तचित्र आइतबार नेपालगन्जस्थित होटल कलपत्रुमा बेलुका साढे ५ बजे प्रर्दशन गरिदैछ ।
    नेपाल प्रेस युनियन बाँकेको संयोजनमा गर्न लागिएको उक्त कार्यक्रमको सबै तयारी पुरा भएको प्रेस युनियनका केन्द्रिय सदस्य एवम् कार्यक्रम संयोजक जयसिंह केसीले जानकारी दिए । ‘कार्यक्रमको तयारी पुरा भईसकेको छ,’ संयोजक केसीले भने ‘बृत्तचित्र अवलोकन गर्न समयमै उपस्थित हुन आग्रह गर्दछौं ।’
    युनियन बाँकेका अध्यक्ष जयनारायण शाहले बृत्तचित्र अवलोकन गर्न सबैलाई निमन्त्रणा गरिएको बताए । कार्यक्रममा उपस्थित हुन बाँकेका सम्पुर्ण पत्रकार, नागरिक समाज, राजनीतिक दल, जनप्रतिनिधी, सुरक्षा निकाय, सरकारी तथा गैर सरकारी कार्यालयका प्रमुख एवम् प्रतिनिधी, उद्योगी, ब्यवसायी, समाजसेवी, बिद्यार्थी सबैलाई उनले आब्हान गरेका छन् । बृत्तचित्र प्रर्दशनी गरेर संकलन भएको रकम ‘पन्नालाल गुप्त पत्रकारिता पुरस्कार कोष’ मा जम्मा गरिने र हरेक वर्ष पत्रकारलाई पुरस्कार गरिने उनले जनाए । बृत्तचित्रमा पत्रकार सन्तोष रेग्मीको निर्देशन रहेको छ । नेपालगन्ज निवासी वरिष्ठ पत्रकार गुप्त युनियन बाँकेको संस्थापक अध्यक्ष हुन् ।
    विगत चार दशकभन्दा बढी समयदेखी प्रकाशित हुदै आएको स्थानीय किरण साप्ताहिकका प्रकाशक÷सम्पादक समेत रहेका ९० वर्षिय चाचाजीको सम्मानमा यसअघि युनियनले नेपालगन्जमा रथारोहनसहित भब्य रुपमा नागरिक अभिनन्दन गरेको थियो ।

  • १९ माघ २०७५, शनिबार २०:२४ प्रकाशित
  • Nabintech
    सम्बन्धित