मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

भ्रष्टाचार न्युनिकरण गर्दै जनताको समृद्धिका लागि जुट्नु पर्ने कर्णाली प्रदेश प्रमुख दुर्गाकेशर खनाल
  • मार्गरेखा संवाददाता

  • माघ २८, सुर्खेत । अख्तियार दुरुपयोग अनुसन्धान आयोगको २८औँ स्थापना दिवसको उदघाटन गर्दै कर्णाली प्रदेश प्रमुख दुर्गाकेशर खनालले भ्रष्टाचार न्यूनिकरणका लागि आयोग सक्रिय हुनु पर्ने वताएका छन । सोमबार सुर्खेतस्थित अख्तियारको आफ्नै कार्यालय प्राङ्गणमा आयोजना गरिएको स्थापना दिवस कार्यक्रममा शुभकामनाका ब्यक्तगर्दै प्रदेश प्रमुखले शासकीय संरचना अनुरुप राष्ट्रिय, प्रदेश र स्थानीय साधन र सम्पत्तिको अक्षरसः सदुपयोग गर्ने, गराउने भूमिकामा अख्तियार सफल हुने विश्वास समेत ब्यक्त गरे।

    मुलुकमा राजनीतिक परिवर्तन र संघियता कार्यान्वयनसँगै विभिन्न तहमा नेतृत्व गर्ने राजनीतिक नेतृत्व र कार्यरत राष्ट्रसेबक कर्मचारीको अबको दायित्व भनेको भ्रष्टाचार न्युनिकरण गर्दै जनताको समृद्धिका लागि जुटने हो भन्दै प्रमुख खनालले भ्रष्टाचार भनेको आर्थिक तथा भौतिक सम्पत्तिको हिनामिना र रातारात धनिबन्न रकम लिनु मात्रै नभएर अनुशासनहिनता, समयमा कार्यालय नआउनु, तोकिएको जिम्मेवारी पूरा नगर्नु र मनोमानी रुपमा काम गर्नु तथा काममा अनियमितता देखिनु पनि भ्रष्टाचार नै भएको र यसको अन्त्यका लागि विभिन्न तहमा कार्यरत कर्मचारी, राजनीतिक नेतृत्व र अख्तियारको कार्यालयले महत्वपूर्ण भूमिका खेल्नु पर्नेमा जोड दिए।

    २८ औँ स्थापना दिवसको कार्यक्रमको मुख्य अतिथिको आशनबाट बोल्दै कर्णाली प्रदेश प्रमुख दुर्गाकेशर खनालले बर्तमानमा सन्चारमाध्यममा आउने गरेका भ्रष्टाचारका समाचारले आयोगको कार्यलाई चुनौति थपेको र भ्रष्टाचार अन्त्यका लागि कडा मेहनत र परिश्रम गर्नु पर्ने बताए । राष्ट्र र समाजलाई अघि बढाउने सपना देखेका हामी सबैको सपना पूरा हुन नदिने भनेका भ्रष्टाचारीहरु र भ्रष्टाचार नै हो भन्दै यसको न्युनिकरण गर्न नसक्दासम्म देशलाई समृद्ध र जनतालाई सुखी वनाउने सपना साकार हुन नसक्ने खनालको भनाइ थियो । उनले भ्रष्टाचारको वृद्धिले सरकार र देशको इज्जत र प्रतिष्ठालाई समेत दाउमा राख्ने गरेकोले मुलुकलाई भ्रष्टाचार मुक्त बनाउने जिम्मेवारी अख्तियारको मात्रै नभएर विभिन्न तह र तप्कामा रहि काम गर्ने सबैले निष्ठापूर्वक निभाउनु पर्ने उल्लेख गरे ।

    विकासको सबैभन्दा ठूलो अबरोध भ्रष्टाचार होर र यसको अन्त्यविना विकासका लक्ष्य प्राप्त गर्न सकिदैन । जनतामा रहेको रोग,भोक,गरिवि अशिक्षा र कुसंस्कारको अन्त्य गर्न कटिवद्ध निकाय र त्यसमा काम गर्ने कटिवद्ध नेतृत्वको आबस्यकता पर्छ भन्ने कुरा जबसम्म जिम्मेवार ब्यक्तिले बुझदैनन् तबसम्म हाम्रो भष्टाचारविरुद्धको अभियान कोरा कागजमा मात्रै सिमित हुने उनको भनाई थियो । प्रदेश प्रमुख खनालले हामी जो, जे, जहाँ जुन भूमीकामा छौँ सबैले इमान्दारीपूर्वक भ्रष्टाचारविहिन स्थानीय निकाय, प्रदेश रराष्ट्र निर्माणमा योगदान दिनसबैलाई आग्रह गरे ।

    मुलुकका ७ प्रदेशमध्ये कर्णाली प्रदेशलाई भ्रष्टाचाररहित दक्ष प्रशासन र स्वच्छ आर्थिक कारोबारमा अनुकरणीय नेतृत्व प्रस्तुतगर्न आह्वान गरेका थिए । उनले भ्रष्टाचार भइसकेपछि त्यसको रोकथाममा लाग्नु भन्दा पनि भ्रष्टाचार हुनै नदिने अभियानलाई सशक्त बनाउँदै अनुगमन, निरिक्षण र सचेतनाको पाटोलाई सक्रिय राख्न पनि २८ औँ स्थापना दिवस पे्ररणादायी बनोस भन्ने कामना गरे । उनले स्थापना दिवसका अबसरमा आयोजित कविता प्रतियोगितामा प्रथम द्वितिय हुने प्रविण कुमार आचार्य र सर्बज्ञा आचार्यलाई नगद तथा प्रमाणपत्र प्रदान गरेका थिए ।

    अख्तियार कार्यालय सुर्खेतका प्रमुख ज्ञानराज सुवेदिको अध्यक्षतामा भएको कार्यक्रममा जिसस अध्यक्ष छविलाल सिग्देल, नगर प्रमुख देबकुमार सुबेदी, मुख्य न्यायाधिवक्ता विद्याभूषण मानन्धर र मुख्य सचिब रामप्रसाद थपलिया पत्रकार दुर्गाथापा र अशल शासनका हरि अधिकारीले पनि शुभकामना व्यक्त गरेका थिए । स्थापना दिबसका अबसरमा राखिएको रक्तदान कार्यक्रममा उपसचिब जङ्गबहादुर डाँगी,इन्जिनियर नारायण प्रसाद श्रेष्ठ लगाएत ११ जनाले रक्तदान गरेका थिए ।

  • २८ माघ २०७५, सोमबार १७:२० प्रकाशित
  • Nabintech
    सम्बन्धित