मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

जनज्योतिद्धारा प्रि–स्कुल प्रदर्शनी कार्यक्रम सम्पन्न
  • मार्गरेखा संवाददाता

  • बाँकेको कोहलपुर–२ मा रहेको जनज्योति पब्लिक हाई स्कुलले प्रि–स्कुल प्रदर्शनी २०७६ सम्पन्न गरेको छ । कार्यक्रममा विद्यालयमा अध्ययनरत नर्सरी, एल.के.जी. र यू.के.जी.का विद्यार्थीहरुद्धारा निर्माण गरिएका सामाग्रीहरुको प्रदर्शनी गरिएको थियो । कार्यक्रममा बोल्दै कोहलपुर नगरपालिका सामाजिका विकास समितिकी संयोजक नारायणि वलीले बालबालिकाहरुलाई खेलाउँदै, रमाउँदै सिकाउनुपर्नेमा जोड दिँदै विद्यालयले बालबालिकाहरुको मनोविज्ञानलाई बुझेर शिक्षा दिन आवश्यक रहेको बताईन् । साथै उनले बालबालिकाहरुलाई विभिन्न खेलका माध्यमबाट शिक्षण गर्न विद्यालयलाई सुझाव दिँदै विद्यालयका विद्यार्थीहरुले प्रदर्शन गरेका विभिन्न क्रियाकलाप सामाग्रीहरु उत्कृष्ट रहेको बताईन् । कार्यक्रममा बोल्दै कोहलपुर नगरपालिका वडा नं. २ का वडा अध्यक्ष कर्णसिंह बिसीले सानो उमेरसमूहका बालबालिकाहरुलाई शिक्षा प्रदान गर्दा मनोरञ्जनात्मक हुनुपर्ने भन्दै विद्यालयले बालमैत्री शिक्षणका लागि सोहि अनुसारको वातावरण निर्माण गर्न सक्नुपर्नेमा जोड दिएका छन् । साथै उनले कोहलपुर नगरपालिका वडा नं. २ का विद्यालयहरु शैक्षिक गुणस्तरमा उत्कृष्ट रहेको जानकारी दिँदै विद्यालयलाई स्थानिय सरकारले आवश्यक सहयोग गर्ने प्रतिवद्वता जनाएका छन् । कार्यक्रममा बोल्दै विद्यालयका प्रिन्सिपल बेगप्रकाश चन्दले विद्यालयमा अध्ययन गरिरहेका नर्सरी, एलकेजी र यूकेजीका विद्यार्थीद्धारा निर्माण गरिएका विभिन्न सामाग्रीहरु प्रदर्शनिमा राखिएको जानकारी दिएका छन् । साथै उनले सानो कक्षाका बालबालिकाहरुको सिर्जनात्मक क्षमताको विकास गर्नका लागि यस्ता कार्यक्रमहरुको आयोजना गरिएको जानकारी दिएका छन् । कार्यक्रममा नर्सरी, एलकेजी र यूकेजीका विद्यार्थीहरुले विभिन्न नृत्यहरु प्रस्तुत गरेका थिए भने कार्यक्रममा अभिभावक, विद्यार्थी लगायत शिक्षक कर्मचारीहरुको सहभागिता रहेको थियो ।

  • १६ फाल्गुन २०७६, शुक्रबार १७:१६ प्रकाशित
  • Nabintech
    सम्बन्धित