मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

प्रदेश नं ५ सरकारले बाँकेको खजुरा स्थित शुशिल कोईराला प्रखर क्यान्सर अस्पताललाई आईसोलेशनका रुपमा स्थापना गर्ने
  • मार्गरेखा संवाददाता

  • नेपालगन्ज, ११ चैत
    प्रदेश नं ५ सरकारले बाँकेको खजुरा स्थित शुशिल कोईराला प्रखर क्यान्सर अस्पताललाई आईसोलेशनका रुपमा स्थापना प्रकृया अगाडी बढाएको छ । सो प्रकृयाका लागि प्रदेश नं ५ सरकारका भौतिक पूर्वाधार बिकास मन्त्री बैजनाथ चौधरीको संयोजकत्वमा आज खजुरा गाउँपालिकामा बैठक बसेर कोरोना भाईरसको लागि आईसोलेशन अस्पतालको स्थापना, सञ्चालन र ब्यबस्थापन गर्नेगरि बिभिन्न निर्णय गरिएको छ ।
    निर्णय नं १ ः— विश्वब्यापी महामारीको रुपमा फैलिएको कोरोना भाईरसको संक्रमण हुने सम्भावना बिश्व स्वास्थ्य संगठनले समेत नेपाललाई उच्च जोखिम भएको घोषणा गरेको र छिमेकी राष्ट्र भारतमा देखिएको र नेपालमा समेत देखिएकाले खजुरा स्थित शुशिल कोईराला प्रखर क्यान्सर अस्पताल बाँकेलाईलाई आईसोलेशन अस्पतालका रुपमा ब्यबस्था मिलाउने गरि भेरी अस्पतालका मेसु डा. प्रकाश बहादुर थापाको संयोजकत्वमा ११ सदस्यीय उपसमिति समेत गठन गरिएको हो । आईसोलेशन अस्पतालको रुपमा ब्यबस्थापन मिलाउन उपसमितिले गरेको निर्णय र सिफारिस बमोजिम प्राप्त निति निर्देशनको अधिनमा रहि स्वास्थ्य कार्यालय बाँकेमा मौजुदा बजेटबाट भुक्तानी गर्ने निर्णय समेत गरिएको छ ।
    निर्णय नं २ ः— कोरोना भाईरस नियन्त्रणका लागि बाँके जिल्लामा रहेका सरकारी, निजी तथा मेडिकल कलेज, आर्मी र प्रहरी अस्पतालमा कार्यरत स्वास्थ्यकर्मीका साथै थप आवश्यकका लागि करार सेवा लिन छोटो प्रकृया अपनाई खटन पटन गर्न बाँकेका प्रमुख जिल्ला अधिकारी कुमार बहादुर खड्काको संयोजकत्वमा ८ सदस्यीय उपसमिति समेत गठन गरिएको छ । यो समितिले खटाए अनुसार काम काजमा जान नमान्ने कर्मचारीलाई आवश्यक कार्वाहीका लागि शिफारिस गर्ने अधिकार दिएकोे छ ।
    निर्णय नं ३ ः—चिकित्सक, स्वास्थ्यकर्मी, नर्स र अन्य कर्मचारीहरुको खाना, बसोवास, यातायात लगायत अन्य भैपरि आउने ब्यबस्थापनका लागि खजुरा गाउँपालिका प्रमुख किस्मत कुमार कक्षपतिको संयोजकत्वमा ३ सदस्यीय उप समिति गठन गरिएको छ । यो उपसमितिको सिफासिरमा ब्यबस्थापन गर्न स्वास्थ्य कार्यालय बाँकेमा रहेको बजेटबाट खर्च गरिने निर्णय भएको हो ।
    निर्णय नं ४ः— आईसोलेशन अस्पतालका रुपमा रहेको खजुरा स्थित शुशिल कोईराला प्रखर क्यान्सर अस्पतालमा जाँच सेवा लगायत दैनिक लिनुपर्ने बिरामीलाई श्री मिलिटरी हस्पिटल नेपालगन्जलाई अनुरोध गरि सेवा सुचारु गर्ने निर्णय गरिएको छ ।
    भौतिक पूर्वाधार बिकास मन्त्री बैजनाथ चौधरीले प्रदेश नं ५ सरकारले ५ नम्बर प्रदेशमा दाङको बेलझुण्डी आयुर्वेद अस्पताल, भैरहवा अस्पताल, बुटवलको प्रादेशिक अस्पताल र बाँकेको शुशिल कोईराला प्रखर क्यान्सर अस्पताललाई आईसोलेशन अस्पतालको रुपमा स्थापना गर्ने निर्णण गरिएको बताए । उनले प्रदेश नं ५ सरकारले आईसोलेशन अस्पताललाई २÷२ करोड रकम दिने निर्णय गरिसकेको जानकारी दिए ।

  • ११ चैत्र २०७६, मंगलवार २१:०२ प्रकाशित
  • Nabintech
    सम्बन्धित