शरद रेग्मी दाङ,असोज २/नेपाली सेनाका पूर्व प्रमुख रुकमाङगत कटवालले वर्तमान अवस्थामा नेपाल संकटको
घडिमा रहेको बताउनु भएको छ । नागरिक समुह नेपालले आज दाङको
तुलसीपुरमा आयोजना गरेको मोटिभेसन कार्यक्रममा बोल्दै कटवालले बिभिन्न
कारणले देश संकटको अवस्थामा पुगेको बताउनु भयो । अथाहा सम्पदा र श्रोत
भएको नेपाल देशि तथा बिदेशिहरुका कारण संकटमा पुगेको बताउनु भयो । सो
अवसरमा बोल्दै कटवालले तिनै तत्वहरुले नेपाललाई बिखण्डनको अवस्थामा
पु¥याएको समेत बताउनु भयो । देशलाई बिखण्डन हुन बाट बचाउने जिम्मा
युवाहरुको काधमा रहेको भन्दै उहाँले राष्ट्र र राष्ट्रियता वलियो भए मात्रै
देश शान्त र सम्वृद्ध हुने समेत बताउनु भयो ।

पछिल्लो समयमा युवाहरुमा राष्ट्र र राष्ट्रियता प्रति चिन्ता तथा चासो हराउदै
गएको भन्दै उहाँले देश लाई सवैमा माया गर्नु पर्ने बताउनु भयो । सवै
नेपाली बिभिन्न बहानामा अलग नभई एक ढिक्का हुनु पर्नेमा जोड दिनुभयो ।
पछिल्लो अवस्थामा युवाहरुमा राष्ट्र र राष्ट्रियता प्रति नकारात्मक सोच उठेकाले
संस्थाले देश ब्यापि रुपमा राष्ट्रियताको भावना सहित युवाहरुलाई प्रोत्साहित
गर्न कार्यक्रमको आयोजना गरेको उहाँले बताउनु भयो । युवा देशकै सवै
भन्दा प्रमुख शक्ति भएको भन्दै युवाले सकारात्मक सोचका साथ योजना वनाएर
अगाडि वढे जस्तो सुकै काममा समेत सफलता प्राप्त हुने बताउनु भयो ।

सो कार्यक्रममा दृष्टी विहिन सृष्टि केसीले आफनो जिवन भोगाईका साथै
नृत्य प्रस्तुत गर्नु भएको थियो । त्यसैगरि रक्षा नेपालका अध्यक्ष मेनुका थापा
, रविन कटवाल लगाएतकाले प्रशिक्षण मन्तब्य ब्यक्त गर्नु भएको थियो । सो
अवसरमा जिल्लामा बिभिन्न क्षेत्रमा उत्कृष्ट कार्य गरेको भन्दै ५ जनालाई सम्मान
गरिएको थियो । सो अवसरमा ब्यवसायीबाट बिरु रावत , समासेविबाट उत्तम कुमार
श्रेष्ठ , शिक्षा क्षेत्रबाट नोवेल जिएम , स्वास्थ्यमा हरि प्रसाद रिजाल र सोन
सिमेन्टलाई सम्मान गरिएको थियो ।