नेपालगन्ज कात्तिक ८ । मनाङको प्रदेशको क्षेत्र नम्बर २ का एमाले उमेदवार खण्डा लामाले आफ्नो उमेदवारी फिर्ता लिएकी छन् ।
एमालेबाट टिकट नपाएपछि स्वतन्त्र उमेदवारी दिएका दीपक मनाङ्गेलाई सघाउने भन्दै उनले आफ्नो उमेदवारी फिर्ता लिएकी हुन् । मनाङका मुख्य निर्वाचन अधिकृत दीपक ढकालले एमाले उमेदवार खण्डा लामाले उमेदवारी फिर्ता लिएको पुष्टि गरेका छन् ।
तर, मनाङका जनताले आफूलाई जिताउने भन्दै दीपकले स्वतन्त्र उमेदवारी दर्ता गरेका थिए । अब एमालेका आधिकारिक उमेदवार खण्डा लामाले स्वतन्त्र उमेदवार मनाङ्गेलाई सघाउने र केन्द्रमा उनी समर्थकले एमालेलाई सघाउने उनले जनाए ।
यो सँगै मनाङको प्रदेश क्षेत्र नं २ बाट कांग्रेस उमेदवार कर्मा गुरुङ र मनाङ्गेबीच प्रतिस्पर्धा हुने भएको छ ।