मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

बाँकेमा बाढीका कारण मृत्यु भएका परिवारलाई प्रधानमन्त्रीले नगद र आवश्यक खाद्यसमग्री प्रदान
  • मार्गरेखा संवाददाता

  • प्रधानमन्त्री शेर बहादुर देउवाले मुलुकका बाढीपीडितको उचित बसोबास, जीविकोपार्जनका लागि बर्तमान सरकारकातर्फबाट कुनै कसर बाँकी नराखिने उल्लेख गर्दै दैवी विपत्तिका बेला सबैले आ–आफ्नो तहबाट सहयोग गर्नुपर्ने बताएा छन ।

    सो कुरा बिहिबार बाँकेका बाढीपिडीहरुलाई राहात बितरण गदै बताएका हुन । प्रधानमन्त्रीले बाढीपीडितलाई सम्बोधन गर्दै यस क्षेत्रमा पुनः बाढी आउन नदिने उपायको खोजी सरकारले गर्ने आश्वासन दिए।

    प्रधानमन्त्री शेरबहादुर देउवाले बाढीका कारण मृत्यु भएका बाँकेको राप्ती–सोनारी गाउँपालिका–४ लालपुरका तीनजना बालिकाका परिवारलाई आज नगद सहयोग वितरण गरेका छन्।

    गाउँपालिकाको कमैया डाँडामा आज आयोजित कार्यक्रममा प्रधानमन्त्री देउवाले मृतक तीनजना बालिकाका बुबा कमिलाल थारुलाई छ लाखको चेक हस्तान्तरण गरे। सरकारले बाढीपहिरोमा मृत्यु भएका प्रत्येक परिवारका सदस्यलाई दुई लाख दिने निर्णय गरेको छ।

    साउन २८ गते राति राप्ती नदीमा आएको बाढीका कारण सो गाउँपालिका–४ लालपुरका एकै परिवारका १२ वर्षीया अञ्जु थारु, नौ वर्षीया सरिता थारु र सात वर्षीया सुस्मिता थारु दिदीबहिनीको मृत्यु भएको थियो। कार्यक्रममा प्रधानमन्त्री देउवाले त्यहाँ उपस्थित त्यस क्षेत्रका बाढीपीडित परिवारका सदस्यलाई तयारी खाद्यान्न चिउरा, चाउचाउ, दालमोठ, नून, खाने तेल, पिउने पानी र त्रिपाल प्रदान गरेका थिए।

    यसअघि नेपालगञ्ज राझास्थित नेपाली सेनाको चार नम्बर बाहिनी अड्डामा प्रधानमन्त्री देउवालाई मध्यपश्चिमाञ्चल क्षेत्रीय प्रशासक महेन्द्रप्रसाद गुरागार्इं र नेपाली सेनाका पृतनापति कर्मेन्द्र लिम्बूले बाँके, बर्दिया, दाङ र सुर्खेतका बाढीपीडितको हालको अवस्थाका बारेमा जानकारी गराएका थिए। यसैगरी, प्रधानमन्त्री देउवाले बाँकेका बाढी प्रभावित क्षेत्रको हवाई र स्थलगत अवलोकन पनि गरे।

  • १ भाद्र २०७४, बिहीबार १३:२९ प्रकाशित
  • Nabintech
    सम्बन्धित