मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

अखिल (क्रान्तिकारी) केन्द्रिय सचिवमा चन्दको उम्मेदवारी
  • मार्गरेखा संवाददाता

  • अखिल (क्रान्तिकारी) का केन्द्रिय सचिवालय सदस्य तथा ५ नम्बर प्रदेशका सह–संयोजक चक्रमिलन चन्दले सचिव पदमा उम्मेदवारी घोषणा गरेका छन ।

    अखिल (क्रान्तिकारी) को काठमाण्डौंमा हुने आसन्न निर्वाचनमा पश्चिम नेपालको प्रतिनिधित्व गर्दै चन्दलेसचिव पदमा उम्मेदवारी दिने घोषणा गरेका हुन । यहि भाद्र ७ देखि ११ गतेसम्म काठमाण्डौंमा हुन गईरहेको अखिल (क्रान्तिकारी) को एकताको ५१ औं राष्ट्रिय सम्मेलनमा बिभिन्न क्षेत्रका विद्यार्थी नेताहरुले आप्mनो उम्मेदवारी घोषणा गरेसँगै चन्दले समेत दावेदारी पेश गरेका हुन ।

    वि.सं. २०६१ सालबाट विद्यार्थी राजनिति सुरु गरेका बाँकेस्थित कोहलपुर नगरपालिका निवासी चक्रमिलन चन्द विद्यार्थीमाझ चर्चित नाम हो । बाँकेमा थोरै मात्र अस्तित्वमा रहेका क्रान्तिकारी विद्यार्थीहरुलाई एकिकृत गरी गोलवद्ध गराउने मुख्य अभियन्ताको रुपमा समेत चन्दलाई लिने गरिन्छ । कोहलपुरस्थित वागेश्वरी बहुमुखी क्याम्पसबाट विद्यार्थी राजनिति सुरु गरेका चन्द २०६३ सालमा वागेश्वरी क्यापम्प कोहलपुरको स्ववियू सदस्यमा निर्वाचित हुन सफल भएका थिए । सोही वर्षदेखि चन्दले अखिल क्रान्तिकारी वागेश्वरी क्याम्पस कोहलपुर ईकाई अध्यक्षको जिम्मेवारी सम्हालेका थिए । कडा स्वभावका चन्दले अखिलको नेतृत्व सम्हालेसँगै अन्य संगठनकालागि चुनौति बनेका थिए । छोटो समयमै विद्यार्थीहरुमाझ चर्चित भएका चन्दले २०६५ सालमा वागेश्वरी क्याम्पस स्ववियू सभापतिका लागि दावेदारी पेश गरेका थिए ।

    २०६५ सालको स्ववियू निर्वाचनमा पराजित भएपनि विद्यार्थीहरुको पक्षमा निरन्तर वकालत गर्दै आएका चन्द २०६३ देखि २०६७ सालसम्म अखिल क्रान्तिकारी जिल्ला सदस्यका रुपमा सक्रिय रहे । २०६७ मा संगठनको बाँके जिल्ला उपाध्यक्षमा चुनिएका चन्दले एक वर्षको अन्तरमै संगठनको नेतृत्व गर्ने अवसर पाएका थिए । २०६८ सालमा जिल्ला अध्यक्ष हुँदै केन्द्रिय सदस्य बनेका चन्दले जिल्लाबाहीरका विद्यार्थीहरु माझ समेत राम्रो छाप छोड्न सफल भएका छन । पछिल्लो समय अखिल क्रान्तिकारी ५ नम्बर प्रदेश सह–संयोजकको भुमिकामा रहेका चन्दले समग्र विद्यार्थीहरुको हकहितको सुनिश्चितताको लागि केन्द्रिय सचिव पदमा उम्म्मेदवारी दिने तयारी गरिरहेको बताए । उनले सबै किसिमले आफु योग्य उम्मेदवार भएको भन्दै सहयोगका लागि सबैलाई अपिल समेत गरेका छन ।

  • २ भाद्र २०७४, शुक्रबार २०:३४ प्रकाशित
  • Nabintech
    सम्बन्धित