मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

क्रुर तानाशाहको संज्ञा पाएका हिटलर कस्ता थिए
  • मार्गरेखा संवाददाता

  • जर्मनीको नाजी पार्टीका तत्कालीन नेता अडोल्फ हिटलरको चर्चा अहिले पनि विश्वभर हुन्छ । लाखौँ यहुदीको सम्हार गरेका हिटलरकै कारण दोस्रो विश्वयुद्ध भयो । सो युद्धमा ६ करोड मानिसले ज्यान गुमाए । क्रुर तानाशाहको संज्ञा पाएका हिटलरको जीवनका केही भित्री पाटा रोचक र भावुक बनाउने खालका छन् :

     

    गरिबीले पढ्न पाएनन्
    एलोइस हिटलरकी तेस्री श्रीमती क्लाराको कोखबाट जन्मिएका चौथो सन्तान थिए, हिटलर । पारिवारिक गरिबीकै कारण क्लारा हिटलरलाई गर्भमै तुहाउन चाहन्थिन् । तर, डाक्टरले उनको निर्णयमा मुञ्जरी नदिएपछि सफल भइनन् । गर्भ हुर्कियो र बच्चाका रूपमा धर्तीमा आयो । यिनै बच्चा अडोल्फ हिटलर बने । २० अप्रिल १८८९ मा अस्ट्रियामा जन्मिएका हिटलरले गरिबीकै कारण कहिल्यै राम्रो पढाइ गर्न पाएनन् ।

    पादरी बन्ने सपना थियो
    हिटलर बाल्यकालमा पादरी बन्ने सपना देख्थे । किनभने, चार वर्षको उमेर हुँदा एक पादरीले उनलाई पानीमा डुबेर मर्नबाट बचाएका थिए । त्यसो त उनका हजुरबुबा नै यहुदी थिए ।

    पेन्टिङका पारखी थिए
    सन् १९०५ मा पढाइ छाडेर उनी पेन्टिङतिर लागे । तर, उनलाई ‘स्कुल अफ आर्ट’ एवं अन्य आर्ट एकेडेमीमा प्रवेश गर्न दिइएन । त्यही वेलातिर उनकी बिरामी आमाको पनि मृत्यु भयो । आमालाई गाडिएको चिहानमा गएर उनी रुन्थे । आफू १८ वर्षको हुँदा आमाले पनि छाडेर जाने र स्कुल अफ आर्टबाट पनि तिरस्कृत भएपछि उनी अन्ततः राजनीतितर्फ लागेका थिए ।

    पहिलो विश्वयुद्धमा भाग्यले बाँचेका थिए
    प्रथम विश्वयुद्धमा ब्रिटिस सैनिकहरूले एक घाइते जर्मन सैनिकको ज्यान बक्सिस दिएका थिए । ती भाग्यमानी सैनिक अरू कोही नभएर हिटलर नै थिए । त्यसपछि उनले छानी–छानी यहुदीहरू सिध्याउन सुरु गरेका थिए । उनी यहुदीलाई सखाप पार्न चाहन्थे ।

    यहुदी युवतीसँग प्रेम
    यहुदीमाथि धेरै अत्याचार गर्ने हिटलरकी पहिली प्रेमिका यहुदी नै थिइन् । ‘भक्सवेगन बेटल कार’ बनाउने तरिका पनि उनले एक यहुदी इन्जिनियरबाटै चोरेका थिए ।

    चक्लेट रुचाउँथे, बिरालोसँग डराउँथे
    हिटलरलाई चकलेट अत्यन्तै मन पथ्र्यो । चक्लेट खाइरहने उनको बानी थियो । हिटलरले इंग्ल्यान्डका राष्ट्रपतिलाई विस्फोटक चकलेटद्वारा मार्ने योजनासमेत बनाएका थिए । तर, त्यो सम्भव भएन । हिटलरलाई बिरालोसँग भने निकै डर लाग्थ्यो ।

    धूम्रपानविरोधी र शाकाहारी थिए
    आधुनिक विश्वमा हिटलर नै यस्ता पहिला व्यक्ति थिए, जसले धुम्रपानविरोधी अभियान सुरु गरे । अर्को कुरा, मारकाटको राजनीति गरेका हिटलर मांसाहारी थिए होलान् भन्ने धेरैको अनुमान हुन सक्छ । तर, उनी शाकाहारी थिए । उनले पशु क्रूरताविरुद्ध कानुन पनि बनाएका थिए ।

    ड्रग्सको लतका कारण रोगले पीडित
    हिटलरलाई ड्रग्सको लत बसेको थियो । उनी प्रत्येक दिन ८० प्रकारका ड्रग्स सेवन गर्थे । उनको स्वास्थ्य धेरै बिग्रेको थियो । हर समय शरीर काँप्ने गथ्र्यो । उनी आइड्रपमा पनि १० प्रतिशत कोकिन मिसाउँथे । उनी पेट फुल्ने समस्याबाट ग्रस्त थिए । यसबाट छुटकाराका लागि उनी २८ प्रकारका औषधि सेवन गर्थे ।

    चार्ली चाप्लिनका प्रशंसक
    कलाकार चार्ली चाप्लिनको निकै ठूलो प्रसंशक थिए, हिटलर । चार्लीको जुँगा उनलाई खुब मन पथ्र्यो । त्यसैले त उनी चार्लीकै जस्तो जुँगा राख्थे । हिटलरका जुँगालाई ‘टुथब्रस जुँगा’ भनिन्थ्यो । हिटलर चार्लीभन्दा केवल चार दिन मात्रै कान्छा थिए ।

    जीवनकै सबैभन्दा खुसीको दिन
    हिटलरका लागि त्यो सबैभन्दा खुसीको दिन थियो, जुन दिन ‘टाइम्स म्यागजिन’ले हिटलरलाई ‘म्यान अफ द इअर’को टाइटल दिएको थियो । यो सन् १९३८ को घटना हो । सन् १९३९ मा उनलाई नोबेल शान्ति पुरस्कारका लागि नामांकित गरिएको थियो ।नयाँ पत्रिकाबाट

  • २३ माघ २०७४, मंगलवार ११:५५ प्रकाशित
  • Nabintech
    सम्बन्धित