गीतकार वसन्त योगीको शब्द रचनामा रहेको आधुनिक गीत लहलहैमा मायाको म्यूजिक भिडियो बजारमा आएको छ । पत्रकारसमेत रहेका योगीको यो म्यूजिक भिडियोका प्रस्तुतकर्ता प्रविन आचार्य हुन् भने निर्देशन विकास प्रसाईंले गरेका छन् ।
डान्सिङ विटमा रहेको यो गीतमा एसडी योगीले स्वर दिएका छन् । संगीत पनि एसडी योगीकै रहेको छ । म्यूजिक भिडियोमा अस्मिक लम्साल र एलिना थपलियाको अभिनय तथा नृत्य रहेको छ । सेभेन ह्विल्स क्रियसनको युट्युब च्यानलबाट सार्वजनिक यो म्यूजिक भिडियोले दर्शकको राम्रो रेस्पोन्स पाएको छ ।
गीतकार वसन्त योगीले यसअघि तीज गीत कल्ले खायो दर, आधुनिक गीत रेटेर जीन्दगी, आँखा मेरा रसाई दिन्छ बजारमा ल्याएका थिए ।
