नेपालगन्ज पुस ७ ।   बाँके प्रहरीले जमिनमुनिबाट सुन निकालिदिन्छु भन्ने ठगलाई आज नेपालगन्जमा पक्राउ गरेको छ ।
नेपालगन्ज उप(महानगरपालिका वडा नं १९ मोहनपुर ईट्टाभट्टा नजिकै बस्ने नसिर अहमद बेहेनालाई भारत, उत्तर प्रदेश, बलरामपुर सिहपुरी बस्ने वर्ष अं। ४२ को सदाबुद्दिन हलवाईले ईट्टाभट्टामा रहेको जमिन भित्र सुन रहेको र उक्त सुन निकाली दिन्छु भनी पटक पटक गरि नगद २ कराेड रूपैया ठगी गरेको हुँदा  नसिर अहमद बेहेनाको जाहेरी दरखास्तका आधारमा निज प्रतिवादी सदाबुद्दिन हलवाईलाई बाँके नेपालगंज उप(महानगरपालिका वडा नं।४ बसपार्क स्थितमा पक्राउ गरेको जनाएको छ पक्राउ परेका निज हलुवाईबाट प्रहरीले तिन वटा माटोको घैटो र सो घैटो भित्र पहेलो धातुले बनेको सिक्का थान १०४९, तिन वटा पितलको घैटो,धातुले बनेको हेर्दा पुरानो जस्तो देखिने गणेश मुर्ति १थान,बिभिन्न आकारका पत्तरहरु ६ सय ,धातुबाट बनेको डिव्वा ३ थान, लेदरको कालो रंगको झोला भित्र ताविज सहितको डिव्वा १थान,उर्दू अक्षरमा लेखिएको किताब १ थान भरतिय नम्बर प्लेटकाे माेटरसाईकिल १थान, निज संग रहेको नेपाल र भारतिय बैंकका चेक तथा भौचहरु बरामद गरीएको छ ।