अर्घाखाँची-लुम्बिनी प्रदेशका मुख्यमन्त्री चेतनारायण आचार्यले आगामी आर्थिक बर्षकाे बजेटमा साना आयाेजनालाइ कटौती गर्नेगरी बजेट निर्माण गर्ने बताउनु भएको छ । नेकपा एमालेले शितगंगा नगरपालिका-२ सितापुरमा आयाेजना गरेकाे कार्यक्रमलाई सम्बाेधन गर्दै मुख्यमन्त्री आचार्यले साना याेजनालाइ निरुत्साहित गर्दै बजेट निर्माण गर्ने तयारी सरकारले गरेकाे बताउनु भएको हाे ।`साना आयाेजनालाइ निरुत्साहित गर्नेगरी तयारी गर्दै छाैं´उहाँले भन्नुभयो-`उपलब्धि देखिने आयाेजना सरकारकाे प्राथमिकतामा पर्छन ।´

प्रदेश सरकारले मझौला खालका आयाेजनालाइ सम्पन्न गर्नेगरी बजेटमा सम्बाेधन गर्ने विश्वास दिलाउनु भयाे । प्रदेश स्थापना भएपछि विकास निर्माणकाे कामले गति लिएको बताउदै उहाँले यी उपलब्धि देख्न नसक्नेहरुले गलत भास्य खडा गर्न खाेजेकाे बताउनु भयाे ।`संघीयताले विकासकाे ढाेका खाेलेकाे छ । देख्न, हेर्न र बुझ्न सक्नुहुन्छ´उहाँले भन्नुभयाे-`म सप्रमाण भन्न सक्छु जता फर्केर हेर्दा पनि सञ्चालन भइरहेका आयाेजना प्रदेशकै हुन । प्रदेशकाे काम छैन भनेर गलत भास्य खडा गरिदैछ । किमार्थ त्यस्तो हाेइन ।´ शितगंगा नगरपालिका भूगोलकाे रुपमा ठुलो हुदा सेवा प्रवाहमा कठिनाइ भएको र समस्या समाधानका लागि सेवा केन्द्र स्थापनाका लागि पहल गर्ने बताउनु भयाे ।`समस्यकाे बारेमा जानकारी छ । आशा भराेसालाइ सकेसम्म सम्बाेधन गर्ने छाैं´उहाँले भन्नुभयाे-प्रदेश सरकारले हरेक क्षेत्रलाई सम्बाेधन गरेकाे छ ।´ यस्तै उहाँले राजनीतिक अस्थिरताले समस्या सृजना भएको र अहिले राजनीतिक स्थायित्व कायम भएकाले विकास निर्माणकाे कामले गति लिएको बताउनु भयाे ।