नेपालगन्ज चैत्र  ७ ।  नेपाली राजनीतिका शिखर पुरुष स्वस् गिरिजा प्रसाद कोइराला जस्तो अडिग र दूरगामी नेता मुलुकका लागि अहिले पनि आवश्यक रहेको एक कार्यक्रमका वक्ताहरुले बताएका छन् ।  साे कुरा नेपाली काँग्रेस बाँके द्वारा बिहिवार नेपालगन्जमा नेपाली काँग्रेसका पूर्व पार्टी सभापति एवम् पूर्व प्रधानमन्त्री स्वस् गिरिजा प्रसाद कोइरालाको १५ औं स्मृति दिवसको अवसरमा आयोजित गिरिजा प्रसाद कोइराला र लोकतान्त्रिक गणतन्त्र विषयक विचार गोष्ठीमा बताएका हुन । बक्ताहरूले  काँग्रेसी नेताहरुले गिरिजा प्रसाद कोइरालाकै अगुवाइमा मुलुकमा शान्ति स्थापना भएको बताउदै जंगलमा रहेका माओवादीलाई राजनीतिक मुलधारमा ल्याएर मुलुकलाई शान्ति स्थापना गराउन कोइरालाको भूमिका अतुलनीय रहेको वक्ताहरुको तर्क गरेका थिए । कार्यक्रममा नेपाली  काँग्रेसक केन्द्रीय सदस्य मैकुलाल वाल्मीकिले गिरिजा प्रसाद कोइराला दूरदर्शी नेता भएको भन्दै काँग्रेसमा त्यस्तै नेताको अभाव खड्किएको बताउदै  लोकतान्त्रिक जन आन्दोलनका नायक कोइरालाकै कारण मुलुकमा शशस्त्र द्वन्दको अन्त्य भएको बताए । नेपाली काँग्रेस बाँकेका सभापति नारायण प्रसाद गौडेलले कोइरालाले मुलुक परिवर्तनका हरेक आन्दोलनमा नेतृत्वदायी भूमिका निर्वाह गरेको बताउदै  मजदुरहरुको हकअधिकार दिलाउन कोइरालाकै अगुवाईमा मजदुर आन्दोलन भएको स्मरण पनि उनले गरे ।  नेपाली काँग्रेसका नेता तथा लुम्बिनी प्रदेश सभा सदस्य बादशाह कुर्मीले कोइरालाको अगुवाइकै कारण मुलुकमा लोकतान्त्रीक आन्दोलन सफल भएको बताउदै  काँग्रेस पराजय हुने अवस्थामा पनि संविधानसभाको निर्वाचन गराएर कोइरालाले देशलाई निकास दिएको उल्लेख गरे ।  राजावादीहरुको आन्दोलनको कुनै गुन्जायस नभएको तर्क गरे ।   महासमिति सदस्यहरुको तर्फबाट बोल्दै लुटबहादुर खत्रीले पार्टी भित्रको अस्वस्थ प्रतिस्पर्धा रोक्न सके काँँग्रेस बलियो पार्टी बन्ने बताउँदै उनले त्यो शिक्षा कोइरालाको त्यागबाट सिक्नु पर्ने बताए । नेपाली काँग्रेस बाँके क्षेत्र नम्बर २ का सभापति रमेश गुप्ताले कोइराला यो युगको शिखर पुरुष भएको बताए । ञजे बोल्छु त्यहीँ गर्छुझ भन्ने कोइरालाको भनाइ आफ्नो लागि आदर्श बनेको सम्झिए । उनले पुराना कुरा बिर्सिएर पार्टीलाई गुटमुक्त गराउनु पर्ने बताए । यस्तै प्रदेश क्षेत्रिय सभापतिहरुको तर्फबाट बोल्दै बाँके क्षेत्र नम्बर १ ञखझ का सभापति बलराम शर्माले गिरिजा प्रसाद कोइरालाले मुलुकको बृहत्तर बिकासका लागि अतुलनीय योगदान गरेको बताए । उनले पनि पार्टीभित्रको गुटगत भावना त्यागेर काँग्रेसलाई बलियो बनाउन जरुरी रहेको बताए । यस्तै नेपाल किसान संघका केन्द्रीय सदस्य शारदा शर्माले कोइरालाले किसानको हकहितमा थुप्रै पटक आवाज उठाएको स्मरण गरिन् । यस्तै भातृ संगठनहरुको तर्फबाट बोल्दै दलित संघ बाँकेका अध्यक्ष कृष्ण बहादुर बिकले कोइरालाले गणतन्त्र ल्याउन नेतृत्वदायी भूमिका खेलेको भन्दै अबको नेतृत्वले गणतन्त्रलाई संस्थागत गर्दै यसको सवलिकरण गर्नुपर्नेमा जोड दिए । कार्यक्रममा नेपाली काँग्रेस लुम्बिनी प्रदेश सदस्य परमेश्वरी पाठल, महासमिति सदस्य दुखिराम लोनिया लगायतले बोलेका थिए । नेपाली काँग्रेस बाँकेका जिल्ला उपसभापति गोपाल अधिकारीको स्वागत मन्तव्यबाट सुरु भएको कार्यक्रमको सहजीकरण जिल्ला सदस्य उमा थापाले गरेकी थिइन् ।  नेपाली काँग्रेसका बाँके क्षेत्र न १ का निवर्तमान क्षेत्रिय सभापति माधवराम खत्री, जिल्ला कार्यसमितिका पदाधिकारी, महासमिति सदस्यहरु, महाधिवेशन प्रतिनिधिहरु, प्रदेश क्षेत्रका पदाधिकारीहरु, पालिका सभापतिहरु, वडा सभापतिहरु लगायत नेता तथा कार्यकर्ताहरुको सहभागिता रहेकाे थियाे ।