नेपालगन्ज चैत्र २१ । जिल्ला प्रहरी कार्यालय बाँकेले
नेपालगन्जमा लागू औषध ब्राउन सुगर सहित २ जनालाई पक्राउ गरेकाे छ ।
नेपालगन्ज उपमहानगरपालिका वार्ड न १ विशालनगर चोक नजिकै लागू औषधको कारोबार भईरहेको छ भन्ने गोप्य सुचनाको आधारमा जिल्ला प्रहरी कार्यालय बाँके र लागू औषध नियन्त्रण ब्युरो नेपालगंज बाँकेबाट खटिएको संयुक्त प्रहरी टोलीले लागू औषध ब्राउन सुगर जस्तो देखिने खैरो धुलो पदार्थ शुद्ध तौल ५ ग्राम ७९० मिलि ग्राम बरामद गरेकाे जनाएकाे छ । नेपालगन्ज उपमहानगरपालिका वार्ड नम्बर १ बस्ने बर्ष २९ को सतिस कुमार सोनीले चलाएको भे ८ प ८७८ नंम्बरको मोटरसाईकल रोकी चेकजाँच गर्दा मोटरसाईकल पछाडी सवार ऐ.ऐ.बस्ने बर्ष २६ को आकास वढईले लगाएको पाईन्टको दाँया खल्तिबाट खाेज तलास गर्दा फेला परेकाे हाे । दुबै जना मनिसलाई नियन्त्रणमा लिई आवश्यक अनुसन्धान एवं कारवाही प्रक्रिया अगाडी बढाईएको जिल्ला प्रहरी कार्यालय बाँके सूचना अधिकारी र प्रवक्ता दिपक पातली जानकारी दिएका छन ।
