बाँके, कोहलपुर असार ३१ । नक्कली नोट र ठूलो मात्रामा अफिमसहित आफुलाई पत्रकार परिचय दिने एक व्यक्ति पक्राउ परेका छन्। सुर्खेतबाट खटिएको प्रहरी अनुसन्धान ब्युरोको टोलीले कोहलपुर नगरपालिका–११ स्थित जनगर्जन नेटवर्क प्रालिको कार्यालयमा छापा मारेर मनबहादुर सहकारीलाई पक्राउ गरेको हो।
ब्युरोका अनुसार पक्राउ परेका सहकारीबाट १ हजार रुपैयाँका ५१ वटा नक्कली नोट र १९ किलो अफिम बरामद गरिएको छ। उक्त अवैध कारोबारसँग सम्बन्धित थप अनुसन्धान भइरहेको प्रहरीले जनाएको छ।
प्रहरीका अनुसार पक्राउ परेका व्यक्ति केही समयदेखि आफुलाई सञ्चारकर्मीका रूपमा चिनाउँदै आएका थिए।
