नेपालगन्ज पुस १९ । नेकपा एमाले बाँकेले फागुन २१ हुने प्रतिनिधिसभा सदस्यको निर्वाचनका लागि बाँके तीनवटै निर्वाचन क्षेत्रबाट उम्मेदवारका आकांक्षीका नाम सिफारिस गरेकाे छ । निर्वाचन क्षेत्र नम्बर १ र ३ बाट एक/एकजनाको नाम सिफारिस भए पनि निर्वाचन क्षेत्र नम्बर २ बाट तीनजनाको नाम सिफारिस भएको छ ।
बाँके निर्वाचन क्षेत्र नम्बर १ बाट निवर्तमान प्रतिनिधिसभा सदस्य सूर्यप्रसाद ढकालकाे नाम शनिबार क्षेत्र नम्बर १ कमिटीको बैठकबाट उम्मेदवारका लागि उनको नाम एकलरुपमा सिफारिस गरेकाे थियाे ।
यसै गरि निर्वाचन क्षेत्र नम्बर २ बाट जिल्ला अध्यक्ष निरक गुरुङ, कृष्णप्रसाद श्रेष्ठ र अछरी पोख्रेलको नाम सिफारिस गरेकाे छ । श्रेष्ठ नेपालगन्ज उद्योग वाणिज्य संघका पूर्व अध्यक्ष तथा उद्योग वाणिज्य महासंघका केन्द्रीय सदस्य हुन भने पोख्रेल पत्रकार हुन् ।
त्यस्तै बाँके ३ मा एमालेबाट पूर्वमन्त्री दलबहादुर सुनारको नाम एकल सिफारिस भएको छ
