नेपालगन्ज  १७ पुसः नेपालगन्ज साईकिलिङ क्लबले  १३औँ राष्ट्रिय पोसाक एवं टोपी दिवस  नेपालगन्जमा प्रभात फेरीकाे आयाेजना गरि  आज नेपालगन्जमा  मनाएकाे छ  । ‘नेपाली टोपीः हाम्रो पहिचान’ भन्ने नाराका साथ विगत ५ वर्षदेखि  नेपालगन्ज साईकिलिङ कल्ब याे दिवस मनाउदै आएकाे छ । प्रभात फेरीमा नेपालगन्ज साईकिलिङ क्लबका अध्यक्ष कबिराम बुढाथाेकी, बाँके जिल्ला साईकिलिङ संघका अध्यक्ष गगन थापा, नेपालगन्जका साईकिलिष्टहरूकाे सहभागी रहेकाे थियाे

नेपाली पहिचानका रूपमा रहेको दौरा, सुरुवाल, टोपी र गुन्यु चोलीलाई युवामाझ स्थापित गर्न विसं २०७० देखि राष्ट्रिय पोसाक एवं टोपी दिवस मनाउन थालिएको हो । दिवसका अवसरमा धेरैले राष्ट्रिय पोसाक लगाएको तस्बिर सामाजिक सञ्जालमा पोष्ट गर्ने गरेका छन् । १३ वर्षदेखि जनवरी १ तारिखका दिन राष्ट्रिय पोसाक दिवस मनाउन थालिएको थियो, यसले राष्ट्रिय पोसाकको पुनर्जागरणमा टेवा पुगेको बताइन्छ । विगतमा राष्ट्रिय पोसाकका रूपमा मनाइने प्रचलनलाई औपचारिक रुपमा हटाइएपछि युवाहरू स्वस्फूर्त रूपमा यो अभियान सुरु गरेका हुन् । यस अवसरमा आज राजधानीका विभिन्न स्थानमा विशेष कार्यक्रमको आयोजना गरिएको छ । —