नेपालगन्ज, माघ १९ गते । लोसपाका बाँके जिल्ला स्तरीय नेता नेपाली कांग्रेसमा प्रवेश गर्नु भएको छ । लोसपा बाँके जिल्ला सदस्य लदिप खाँ कांग्रेसमा प्रवेश गर्नु भएको हो । उहाँ जानकी गाउँपालिका बासिन्दा हुनुहुन्छ ।
खाँलाई नेपाली कांग्रेस लुम्बिनी प्रदेश सभापति एवम् आसन्न प्रतिनिधि सभा निर्वाचनमा बाँके क्षेत्र नम्बर ३ बाट उम्मेदवारी दिनु भएका अमर सिंह पुनले पार्टी प्रवेश गराउनु भएको हो ।
नेपाली कांग्रेसका उम्मेदवार अमर सिंह पुनको जानकी गाउँपालिका प्रचार प्रसार कार्यालय कार्यालयको उद्घाटनको क्रममा खाँले लोसपा परित्याग गरी कांग्रेसमा प्रवेश गरेको घोषणा गर्नु भएको हो ।
उहाँलाई नेपाली कांग्रेस नेता एवम् लुम्बिनी प्रदेश सभा सदस्य बादशाह कुर्मी, नेपाली कांग्रेस बाँके क्षेत्र नम्बर ३ सभापति नक्की खाँ, जानकी गाउँपालिका अध्यक्ष एवम् नेपाली कांग्रेसका नेता छब्बन खाँ लगायतले पार्टीमा स्वागत गर्नु भएको थियो ।
