काठमाडौ कात्तिक १२ नेपाली कांग्रेसले १५औँ महाधिवेशनबाट निर्वाचित भएका १९ पदाधिकारीको वरीयता तोकेको छ । बिहीबारको शपथग्रहणअघि नै वरीयता तोकिएको केन्द्रीय कार्यालयका कार्यवाहक मुख्य सचिव कृष्ण दुलालले जानकारी दिए । वरीयता वेबसाइटमा भोलि राखिने दुलालले बताए ।
पहिलो वरीयतामा सभापति गगन थापा छन् । दोस्रो वरीयतामा वरिष्ठ उपसभापति विश्वप्रकाश शर्मा, तेस्रो वरीयतामा महिला उपसभापति पुष्पा भुसाल छन् । चौथोमा खुलातर्फ उपसभापति जितेका डा चन्द्रकान्त भण्डारी रहेका छन् भने पाँचौँमा मधु आचार्य छन् ।
छैटौँ वरीयतामा समावेशीतर्फ उपसभापति जितेका विनोद चौधरी, सातौँ वरीयतामा महामन्त्री प्रदीप पौडेल, आठौँ वरीयतामा महामन्त्री डा. डिला संग्रौला पन्त र नवौँ वरीयतामा महामन्त्री उदय शमशेर राणा छन् ।
११ सहमहामन्त्रीमध्ये पहिलो वरीयतामा बहादुरसिंह लामा तोकिएका छन् । उनी १०औँ नम्बरमा छन् । ११औँ वरीयतामा सहमहामन्त्री योगेन्द्र चौधरी, १२औँ वरीयतामा सहमहामन्त्री प्रकाश स्नेही रसाइली १३औँ वरीयतामा जीवन शाही, १४औँ वरीयतामा अजय चौरासिया, १५औँ वरीयतामा आंगेलु शेर्पा रहेका छन् ।
त्यस्तै, १६ औँ वरीयतामा रामहरि खतिवडा, १७ औँ वरीयतामा प्रतिमा गौतम, १८औँ वरीयतामा अजयबाबु शिवाकोटी र १९औँ वरीयतामा डा. फिरदोश आलम रहेका छन् ।
