४० वर्षको उमेर पछि, महिलाहरूमा धेरै हार्मोनल परिवर्तनहरू हुन्छन् र धेरै स्वास्थ्य समस्याहरू विकास गर्ने जोखिम बढ्छ। यस्तो अवस्थामा महिलाले ४० वर्षको उमेर नाघेपछि आफ्नो स्वास्थ्यप्रति सचेत हुनुपर्छ र नियमित स्वास्थ्य परीक्षण गराउनुपर्छ ।

उमेर बढ्दै जाँदा स्वास्थ्य सम्बन्धी समस्याहरू आउन थाल्छन्। विशेषगरी महिलाले उमेर बढ्दै जाँदा थप समस्याको सामना गर्नुपर्ने हुन्छ । ४० वर्षपछि महिलाले आफ्नो स्वास्थ्यप्रति निकै ध्यान दिनु आवश्यक हुन्छ । यस अवधिमा स्वास्थ्यका लागि आवश्यक कदम चाल्ने हो भने धेरै घातक रोगबाट बच्न सकिन्छ । क्यान्सर विश्वभर महिलाका लागि ठूलो चुनौती बनेको छ । केही प्रकारको क्यान्सरले महिलालाई बढी असर गर्छ। यसबाट बच्न खोप र स्क्रिनिङको आवश्यकता छ। चिकित्सकहरूका अनुसार स्तन क्यान्सर महिलामा बढी हुने गरेको छ। यसपछि पाठेघरको मुखको क्यान्सर हुन्छ । यी दुवै क्यान्सरले महिलालाई सबैभन्दा बढी असर गर्छ। विश्व स्वास्थ्य संगठन (डब्लुएचओ) को तथ्यांक अनुसार हरेक वर्ष ६.८५ लाख भन्दा बढी महिलाको स्तन क्यान्सरबाट र ३.४२ लाख महिलाको पाठेघरको मुखको क्यान्सरबाट मृत्यु हुने गरेको छ । क्यान्सर एक खतरनाक रोग हो तर सही उपाय अपनाएर क्यान्सरबाट बच्न सकिन्छ । पाठेघरको मुखको क्यान्सर ह्युमन प्यापिलोमा भाइरसको कारणले हुन्छ र यो क्यान्सर ९ देखि १४ वर्ष उमेरका केटीहरूलाई एचपीभी भ्याक्सिन दिएर धेरै हदसम्म रोक्न सकिन्छ। यसबाहेक राम्रो बानीहरू अपनाएमा क्यान्सरको जोखिम कम गर्न सकिन्छ।