मनसुन सिजनले पाकिस्तानमा केटीहरूको लागि कठिनाइ ल्याएको छ। बर्षासँगै देशमा कम उमेरका युवतीहरुको विवाहको घटनामा तिव्र वृद्धि भएको छ । बाबुआमाले छोरीको विवाह गर्न बाध्य छन् । यो सिन्ध क्षेत्रमा बढी भइरहेको छ।

इस्लामाबाद ।    पाकिस्तानमा भारी वर्षासँगै देशमा केटीको विवाहको घटना पनि तीव्र गतिमा बढिरहेको छ। एएफपी रिपोर्टका अनुसार नगद अभावमा परेका पाकिस्तानी अभिभावकहरूले पैसाको सट्टामा आफ्ना नाबालिग छोरीहरूलाई विवाहको लागि व्यापार गरिरहेका छन्। १४ वर्षीया शमिला र १३ वर्षीया बहिनी अमिनाका आमाबुवाले परिवारलाई टेवा पु¥याउन उनीहरुको विवाह गराए । उनीहरुका अभिभावकले किशोरकिशोरीको विवाहको बदलामा पैसा पाएका थिए । यसबाट आफ्नो स्थितिमा सुधार आउने विश्वास लिएका छन् । पाकिस्तानमा बालविवाहका बढ्दो घटनाले अधिकारवादी संस्थाहरूको चिन्ता बढाएको छ।

एएफपी रिपोर्टका अनुसार पाकिस्तानमा बालविवाहका घटनाहरू घट्दै गएका थिए तर सन् २०२२ को विनाशकारी बाढीपछि यो दर फेरि बढिरहेको छ। देशमा कृषिका लागि महत्वपूर्ण मानिने मनसुन वर्षाले जलवायु परिवर्तनका कारण बाढी र बालीमा क्षति पु¥याएको छ ।

सिन्धु राज्यमा बालविवाहका घटना बढ्दै गएका छन्

रिपोर्टका अनुसार सिन्धको खान मोहम्मद मल्लाह जस्ता गाउँहरूमा बालविवाहका घटनामा तीव्र वृद्धि भएको छ। यो क्षेत्र २०२२ को बाढीबाट नराम्ररी प्रभावित भएको थियो। यहाँका परिवारले पैसाको बदलामा आफ्ना नाबालिग छोरीहरूको विवाह गर्ने गरेका छन् । शमिलाकी सासू बीबी सचलले उनको लागि दुई लाख पाकिस्तानी रुपैयाँ दिएको बताइन् । यो क्षेत्रको लागि ठूलो रकम हो। यहाँ दैनिक करिब ८० रुपैयाँमा परिवार गुजारा चलाउँदै आएका छन् ।

शमिलाजस्ता धेरै केटीहरूले विवाहपछि राम्रो जीवनको अपेक्षा गरेका थिए तर उनीहरू पनि त्यही समस्याको सामना गरिरहेका छन्। १८ वर्षभन्दा कम उमेरमा विवाह गर्ने बालिकाको संख्यामा पाकिस्तान छैटौं स्थानमा छ । पाकिस्तानमा विवाहको कानुनी उमेर विभिन्न क्षेत्रमा १६ देखि १८ वर्षसम्म छ।