मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

स्वाइन फ्लूबाट बच्न यस्ताे गर्नुहाेस्
  • मार्गरेखा संवाददाता

  • स्वाइन फ्लूबाट बच्न यस्ताे गर्नुहाेस्

    काठमाडौं, पोखरा, स्याङ्जा झापालगायत मानिसको बढी चहलपहल हुन शहरमा स्वाइन फ्लूको प्रकोप देखिएको छ । इपिडिमियोलोजी तथा रोग नियन्त्रण महाशाखाको अनुसार स्वाइन फ्लूका कारण ६ जनाको मृत्यु भइसकेको छ भने एक सय भन्दा बढीमा संक्रमण भएको प्रमाणित भइसकेको छ ।

    सन् २००९ देखि नेपालको विभिन्न भुभागमा बेलाबेलामा स्वाइन फ्लु देखिने गरेको छ । H1N1 भनिने इन्फ्लुएञ्जा भाइरस यो रोगको कारक हो । स्वाइन फ्लू सबै उमेर समुहका मानिसमा देखिन सक्छ । तर, यसले रोग प्रतिरोधात्मक क्षमता कम भएका वृद्ववृद्वा, गर्भवती र बालबालिकामा चाडो प्रभाव पार्छ । सामन्यतया यो संक्रमण मौसम परिवर्तन हुने बेलामा बढी देखिने गर्छ ।

    लक्षणहरू 

    • रुघाखोकी लाग्ने
    • ज्वरो आउने
    • टाउको दुख्ने
    • घाँटी दुख्ने वा खसखस हुने
    • शरीरको विभिन्न भाग दुख्ने
    • आलस्य हुने
    • थकाइ लाग्ने
    • खान मन नलाग्ने
    • सास फेर्न गाह्रो हुने

    कसरी सर्छ स्वाइन फ्लू
    स्वाइन फ्लू देखिएको बिरामीबाट अर्को स्वस्थ मानिसमा हावाको माध्यमबाट सर्छ । बिरामीले खोक्दा, हाछ्यु गर्दा, बोल्दा थुकका साना कणबाट हावामा फैलन्छ । यो रोगको जीवाणु सार्वजनिक स्थानहरू जस्तैं रेलिङ, ढोका, लिफ्ट आदिमा घन्टौंसम्म जिवित रहन सक्छ । त्यसैले हातले त्यो ठाउँ छोएमा शरीरमा प्रवेश गर्छ र श्वासप्रश्वास नली र फोक्सोमा संक्रमण भएपछि स्वाइन फ्लूको समस्या देखिन्छ ।

    जाँच कसरी गर्ने
    माथि उल्लेखित लक्षणहरू देखिएमा नजिकैको स्वास्थ्य संस्था वा अस्पतालमा गएर तुरुन्त परीक्षण गराउनुपर्छ । चिकित्सकको सल्लाह बमोजिम थुक वा रगत परीक्षण गर्नुपर्छ ।

    उपचार 
    परीक्षणबाट स्वाइन फ्लू यकिन भएमा औषधिको सेवन गर्नुपर्छ र रोगको अवस्था हेरेर अस्पताल भर्ना हुनुपर्ने हुन्छ ।

    कसरी बच्ने

    • हाच्छ्यु गर्दा, खोक्दा रुमालले नाक र मुख छोप्ने
    • सार्वजनिक स्थानमा हिड्दा माक्स प्रयोग गर्ने
    • संक्रमण वा महामारी देखिएको बेलामा भिडभाड, सार्वजनिक स्थानमा सकेसम्म नजाने
    • घरबाहिर वा सार्वजनिक स्थानमा गएर आएपछि साबुनपानीले हात धुने
    • संक्रमीत मानिस भएको ठाउँ जस्तैं अस्पताल, महामारी देखिएको ठाउँमा सकेसम्म नजाने
    • हात मिलाउनु भन्दा नमस्कार गर्ने बानी बसाल्ने
    • आफ्नो हात आँखा, नाक, मुखतिर सकेसम्म नलैजाने
    • रुघाखोकी, ज्वरो वा माथि उल्लेखित लक्षणहरु देखिएमा तुरुन्त स्वास्थ्य संस्थामा गएर जांच गराउने
  • २१ श्रावण २०७४, शनिबार १३:१० प्रकाशित
  • Nabintech
    सम्बन्धित