मधु मिडिया प्रा.ली.द्धारा संचालित

सुचना विभाग द. नं. : ६७८-०७४/७५

ठेगाना : कोहलपुर-१0, बाँके

फोन नम्बर : ९८५८०२२६५६ / ९८५६०३९६०२

ईमेल : [email protected]

बाँकेको खजुरामा जारी नेपालगन्ज गोल्डकपमा रुपन्देहीले घरेलु टोली नेपालगञ्ज–११ लाई ४–२ गोलले पराजित गदै रुपन्देही फाइनलमा प्रवेश
  • मार्गरेखा संवाददाता

  • ????????????????????????????????????

    नेपालगञ्ज – साविक विजेता लाली रुपन्देही–११ तेस्रो टुबोर्ग नेपालगञ्ज गोल्डकप फुटबल प्रतियोगिताको फाइनलमा प्रवेश गरेको छ ।
    रुपन्देहीले घरेलु टोली नेपालगञ्ज–११ लाई ४–२ गोलले पराजित गरेको हो । रुपन्देहीले नेपालगञ्जलाई शुरुदेखि नै दबाबमा राखेको थियो । खेलको १५ मिनेटमा फोनाको गोलले रुपन्देहीले अग्रता लिएको थियो । रुपन्देहीले २१ मिनेटमा स्याला र २२ मिनेटमा ग्लोरी जोनको गोलले अझ अग्रता बढाएको थियो ।
    मध्यान्तरपछि नेपालगञ्ज आक्रमक रुपमा प्रस्तुत भयो । दोस्रो हाफको शुरुवातमै नेपालगञ्जका कर्ण लिम्बुले गोल गरेर टीमको हौसला बढाए । त्यसको लगत्तै नेपालगञ्जका किपर प्रितम खड्काले रुपन्देहीका ग्लोरीलाई फाउल गरेपछि पेनाल्टी दिइएको थियो । त्यसलाई रुपन्देहीका जनक कार्कीले गोलमा परिणत गरे ।
    ४–१ गोलले पछि परेपछि नेपालगञ्ज अझ आक्रमण रुपमा प्रस्तुत भयो । नेपालको राष्ट्रिय टीमबाट खेलिसकेका कर्ण लिम्बुलाई खेलाएको नेपालगञ्जले केही राम्रा अवसरहरु सिर्जना गरेको ग¥यो । यही बीचमा नेपालगञ्जका विभुषण केसीले सुन्दर गोल गरे ।
    ४–२ को अग्रता भएपछि रुपन्देही रक्षात्मक खेलेको थियो । नेपालगञ्जले गोल गर्ने अवसरहरु सिर्जना गरेपनि गोल हुन सकेन ।
    खेलमा म्यान अफ म्याच रुपन्देहीका ग्लोरी जोन भए । उनलाई दुग्गड ग्रुपका जनरल म्यानेजर प्रदीप छाछेडले मोबाइल हस्तान्तरण गरे ।
    नेपालगञ्जका प्रशिक्षक युवराज शाहीले तालमेल नहुँदा पराजित हुन पुगेको बताए । अपेक्षा अनुसारको प्रदर्शन हुन सकेन । पहिलाको भन्दा त हामीले राम्रो ग¥यौ । तर, आगामी सिजनमा हामीले पूर्व तयारी गरेर टीम उतार्छौ । किपर र रक्षापंक्तिका खेलाडीका बीचमा तालमेल नहुँदा पहिलो गोल खायौ र त्यसपछि मनोबल अलिकति गिरेको पाए, शाहीले भने ।
    रुपन्देहीका प्रशिक्षक पुकार गहतराजले आफूहरुले अवसरलाई गोलमा परिणत गर्न सक्दा विजयी भएको बताए । दोस्रो हाफमा तत्कालै गोल खादा टोली हतारिदा दोस्रो गोल खाएको गहतराजले बताए । उनले फाइनलमा अगाडिको लाइन सुधार गर्ने बताए ।
    कप्तान सुजित गुरुंगले साविक विजेता भएकाले उपाधि जित्न प्रेसर बढेको बताए ।
    बिहीबार दोस्रो सेमिफाइनलमा सीएमजी संकटा क्लव र सुदूरपश्चिम–११ का बीचमा हुनेछ ।

  • २३ जेष्ठ २०७५, बुधबार २०:१५ प्रकाशित
  • Nabintech
    सम्बन्धित