चितवन जिल्ला प्रहरीले औषधिजन्य लागुऔषध सहित दुई जना व्यक्तिलाई नियन्त्रणमा लिएको छ। जिल्ला प्रहरी कार्यालय चितवन र अस्थायी प्रहरी पोष्ट भोजाड चितवनबाट खटिएको प्रहरी चेकजाँच टोलीले भरतपुर महानगरपालिका वडा नं. ११ स्थित भोजाड सडक खण्डमा चेकजाँच गर्दा २० वर्षका बिपिन परियारको म्याजिक गाडीमा लागुऔषध ट्रामाडोल १०० क्याप्सुल फेला पारेका छन्।
प्रारम्भिक अनुसन्धानको क्रममा उक्त लागुऔषध चितवन जिल्लाको कालिका नगरपालिका वडा नं. २, पदमपुर ६ नम्बर बाटो घर भई ऐ.०२ सृष्टीचोक बस्ने २८ वर्षीय सागर भण्डारीसँग खरिद गरिएको पाइएको छ।
