नेपाली कांग्रेसका महामन्त्री विश्वप्रकाश शर्माले आफ्नै कर्मले राजाको विदाई भएको भन्दै हिंसात्मक आन्दोलन गरेर राजसंस्था नफर्कने बताएका छन ।
साे कुरा नेपाली कांग्रेस बाँकेको तेस्रो जिल्ला सम्मेलनलाई आज नेपालगन्जमा उद्घाटन गदै बताएका हुनु
महामन्त्री शर्माले आफू चुनाव लड्न नआए अरुलाई उठाएर दुई तिहाई सांसद जित्नुस्, संविधान संशोधन गर्नुस् अनि राजसंस्था फर्काउनुस्, उनले भने- “तर, राजसंस्थाको रेल छुटिसकेको छ, अब त्यो सम्भाबनै छैन बताउदै पूर्व राजा ज्ञानेन्द्र शाहलाई श्रीपेच चुनाव चिन्ह लिएर चुनावी मैदानमा आउएर निर्वाचनबाट दुई तिहाई ल्याई संविधान संशोधन गरेर राजसंंस्था फर्काउन चुनौती दिएका छन ।
महामन्त्री शर्माले पार्टीको महाधिवेशन २०८३ असोजभित्रै हुने बताउदै २०८४ को चुनावपछि महाधिवेशन हुन्छ भन्ने मानसिकता त्याग्न आग्रह गरे ।
महामन्त्री शर्माले प्रधानमन्त्री केपी शर्मा ओलीले शिक्षकहरुको आन्दोलनलाई सम्बोधन गर्न गम्भीरता देखाउनुपर्नेमा आफैं सडक आन्दोलनमा भाषण गर्दै हिँड्नु शोभनीय नभएको बताए ।
सम्मेलनलाई सम्बोधन गर्दै नेपाली कांग्रेसका सहमहामन्त्री किशोर सिंह राठौरले नेता-कार्यकर्ता इमान्दार र अनुशासित भए मात्रै पार्टी मजबुत बन्ने बताए ।
केन्द्रीय सदस्य दीपक गिरीले सरकारले संविधान संशोधनको एजेण्डा बोके पनि त्यसतर्फ केन्द्रित हुन नसकेको टिप्पणी गर्दै सुशासन, भ्रष्टाचार नियन्त्रण, रोजगारी लगायतका विषयमा गम्भीर बन्नुपर्ने बताए ।
सम्मेलनलाई केन्द्रिय सदस्यहरु मैकुलाल बाल्मिकी, डा. गोपाल दहित, सञ्जय गौतम, लुम्बिनी प्रदेश सभापति अमर सिंह पुनले सम्बोधन गरेका थिए । यस्तै लुम्बिनी प्रदेश सदस्य प्रमेश्वरी पाठक, महासमिति सदस्य लक्ष्मी नारायण शाह, क्षेत्र नम्बर २ का क्षेत्रीय सभापति रमेश कुमार गुप्ता, राप्तीसोनारी सभापति भिम बहादुर राना क्षेत्री, कोहलपुर नगरपालिका प्रमुख पूर्ण प्रसाद आचार्य, राप्तीसोनारी गाउँपालिका अध्यक्ष तप्त बहादुर पौडेल, डुडुवा गाउँपालिका अध्यक्ष नरेन्द्र कुमार चौधरी, जानकी गाउँपालिका अध्यक्ष छब्बन खाँ, नेपाल मगर संघका केन्द्रीय सहमहामन्त्री उमा थापा मगर, नेपाल किसान महासंघ बाँकेका अध्यक्ष लाहुराम थारुले मन्तव्य व्यक्त गरेका थिए ।
त्यसअघि जिल्ला सभापति नारायण प्रसाद गौडेलले नीति तथा कार्यक्रम, सचिव सुधांशु कोइरालाले सांगठनिक प्रतिवेदन र कोषाध्यक्ष यज्ञ बहादुर बस्नेतले आर्थिक प्रतिवेदन प्रस्तुत गरेका थिए । सबै प्रतिवेदन पारित भएको छ । सम्मेलनमा पार्टीका निवर्तमान प्रेस सल्लाहकार एवम् नेपाल पत्रकार महासंघ बाँकेका अध्यक्ष नवीन गिरी, वरिष्ठ पत्रकार जे. पाण्डेसहित स्वतन्त्रता सेनानी, पूर्व जनप्रतिनिधि, जग्गादाता, उत्कृष्ट जनप्रतिनिधि लगायतलाई सम्मान गरिएको थियो ।
त्यसक्रममा महामन्त्री शर्माले नेपाली कांग्रेस बाँके तथा नेपाल प्रेस युनियन बाँकेको भित्तेपात्रो समेत विमोचन गरेका थिए । सम्मेलनमा जिल्ला उपसभापति गोपाल प्रसाद अधिकारीले स्वागत मन्तव्य व्यक्त गरेका थिए । कार्यक्रम सञ्चालन सचिव कोइरालाले गरेका थिए । सभापति गौडेलको सभापतित्वमा सम्मेलन सम्पन्न भएको थियो ।
