नेपालगन्ज  असार ११ ।  बाँकेका ८ स्थानीय तहले आगामी आर्थिक बर्ष २०८३÷०८४ का लागि बजेट सार्वजनिक गरेका छन् । एक उपमहानगरपालिका, एक नगरपालिका र ६ गाउँपालिका गरी ८ वटै स्थानीय तहले कूल रु १३ अर्ब  ५४ करोड २३ लाख २१ हजार  को बजेट सार्वजनिक गरेका हुन् । नेपालगन्ज  उपमहानगरपालिकाले रु १ अर्ब ७६ करोड ६४ लाख ८३ हजारको बजेट ल्याएको छ । यो यहाँका सबै स्थानीय निकायको भन्दा बढी हो ।काेहलपुर नगरपालिकाले रु १ अर्ब ७ करोड ५१ लाख २२  को बजेट पेस गरेको छ । यसैगरी राप्ती साेनारी गाउपालिकाले रु ९२ करोड ४२ लाख २९ हजार  बैजनाथ गाउँपालिकाले रु ८१ करोड ७१ लाख ४० हजार, जानकी गाउँपालिकाले रु ६९ करोड ५६ लाख २९ हजार, खजुरा गाउँपालिकाले रु ६४ करोड ३७ लाख , नरैनापुर गाउँपालिकाले रु ४९  करोड २ लाख ८३ हजार र डुडुवा गाउँपािलकाले ५६ कराेड ८० लाख बजेट प्रस्तुत गरेका छन् । पालिकाहरूले विशेष गरी शिक्षा, स्वास्थ्य, कृषि आधुनिकीकरण, भौतिक पूर्वाधार र रोजगारी सिर्जनालाई बजेटमा प्राथमिकता दिएको देखिन्छ । । सम्बद्ध पालिकाहरुका अनुसारसङ्घीय र प्रदेश सरकारबाट प्राप्त वित्तीय समानीकरण, सशर्त, समपूरक र विशेष अनुदानका साथै आन्तरिक राजस्वलाई बजेटको मुख्य स्रोतका रूपमा लिइएको छ ।