काठमाडौ असाेज ८ ।  काठमाडौं उपत्यकासहित देशका अधिकांश भूभागमा रातभर पानी परेको छ । पाल्पा र कपिलवस्तुमा अन्य क्षेत्रको तुलनामा अत्यधिक वर्षा भएको हो ।

आज कोशी, बागमती र गण्डकीका थोरै स्थानमा तथा मधेश र लुम्बिनीको एक–दुई स्थानमा मुसलधारे वर्षाको सम्भावना छ। यस्तै, कोशी र बागमतीका पहाडका एक/दुई स्थानमा धेरै भारी वर्षा हुन सक्नेछ भने मधेश र कोशीको तराईका थोरै ठाउँमा हावाहुरीको समेत सम्भावना रहेको छ।

मौसमविद् विनोद पोखरेलका अनुसार पूर्वी नेपालमा राति भारी वर्षाको सम्भावना रहे पनि लामो समयसम्म निरन्तर भारी वर्षा हुने देखिँदैन र पर्सिसम्म हल्कादेखि मध्यम तथा बेलाबेलामा भारी वर्षाको क्रम जारी रहनेछ।