काेहलपुर असाेज ८ । नेपाली कांग्रेस काेहलपुर नगरपालिका बाँकेकाे सभापतिमा बिरेन्द्र शाह पुनः निर्वाचित भएका छन् । बुधबार सम्पन्न भएको १५ औं महाधिवेशन अन्तर्गत भएको निर्वाचन प्रक्रियाबाट कांग्रेस संस्थापन पक्षका शाहकाे सहसचिव बाहेक सम्पूर्ण पदाधिकारी निर्वाचित भएका छन । शाह यसअघि १४ औं महाधिवेशनमा पनि काेहलपुर नगर सभापति पदमा निर्वाचित भएका थिए ।
शाहले २४५ मत प्राप्त गर्दै आफ्ना प्रतिस्पर्धी चिन्तामणि धिताललाई पराजित गरेका हुन्। धितालले २१८ मत प्राप्त गरेका थिए ।
खुल्ला उपसभापतिमा भरत शर्मालाई पराजित गरेर दिपेन्द्र चाैधरी निर्वाचित भए ।
चाैधरीले २ सय ५४ र शर्माले २०० मत प्राप्त गरेका छन् । महिला उपसभापतिमा सबिता चाैधरीलाई पराजित गरेर शुभद्रा शर्मा निर्बाचित भए । शुभद्रा शर्माले २४४ र सबिता चाैधरीले २१८ मत प्राप्त गरेका छन । सचिवमा दिपेन्द्र कडायतलाई पराजित गदै रबिन शर्मा बिजय निर्बाचित भएका छन । रबिन शर्माले २३२ र दिपेन्द्र कडायतले २२१ मत प्राप्त गरेका छन । सहसचिवमा बिरेन्द्र शाहकाे समुहका राम बहादुर वलीलाई चिन्तामणि धिताल समुहका ओमजंग शाह निर्बाचित भएका छन । ओमजंग शाहले २३३ र राम बहादुर वलीले २२१ मत प्राप्त गरेका थिए ।
