नेपालगन्ज फागुन १६ । नेपाली कांग्रेसका महामन्त्री गगन कुमार थापाले कसैको अधिकार नघटाई थप व्यवस्थित बनाउने गरी संविधान संशोधन गरिने बताउदै सबै दललाई समेटेर संविधान संशोधन प्रक्रियालाई परिपक्व बनाएर अघि बढ्ने बताए ।
साे कुरा पेशागत तथा बुद्धिजीवी विभाग नेपाली कांग्रेस र डेमोक्रेटिक लयर्स एसोसिएसनले आज नेपालगन्जमा आयोजना गरेको ‘संविधान संशोधन: आवश्यकता र चुनौती’ विषयक लुम्बिनी प्रदेश स्तरीय अन्तरक्रिया कार्यक्रमलाई सम्बोधन गर्दै महामन्त्री थापाले निर्वाचन प्रणाली, सङ्घीयता र सुशासन सुदृढ हुने गरी संविधान संशोधन गर्नुपर्नेमा जोड दिनुभयो ।
महामन्त्री थापाले उत्तेजनाको राजनीतिले मुलुकलाई फाइदा नहुने भन्दै संयमित बन्नुपर्ने आवश्यकता रहेकाे बताउदै वि.सं. २०८०–९० को दशकलाई विकासको दशक बनाउनुपर्ने अबको दश बर्ष विकास, रोजगार र समुन्नतिका लागि काम गर्नुपर्ने बताए ।
अन्तरक्रिया कार्यक्रममा नेपाली कांग्रेसका सहमहामन्त्री किशाेर सिह राठौरले नेपाली जनतामा चेतना न आएसम्म नेपालको बिकाश नहुने बताउदै नेपाली जनताले स्वयम् आफ्नो चेतना जाग्रित गराउनु पर्ने बताए ।
सहमहामन्त्री राठाैरले न्यायलय भ्रष्ट भएका कारण नेपाली जनताले न्याय न पाएको बताउदै न्यायलय सुधार गरि जनतालाई न्याय दिनु पर्ने बताए । केन्द्रीय सदस्यहरु डा. गोविन्द राज पोखरेल, मैकुलाल वाल्मीकि र रंगमति शाही, लुम्बिनी प्रदेश सभापति अमर सिंह पुन, सहमहामन्त्री निमा गिरी, बाँके सभापति नारायण प्रसाद गौडेल, वरिष्ठ अधिवक्ता काशी राज दाहाल, अधिवक्ता प्रह्लाद बहादुर कार्की, पेशागत तथा बुद्धिजीवी विभाग लुम्बिनी प्रमुख लक्ष्मण पन्थी लगायतले सम्बोधन गर्नुभएको थियो । कांग्रेस केन्द्रीय सदस्य एवम् पेशागत तथा बुद्धिजीवी विभाग प्रमुख डा. डिला सङ्ग्रौलाको अध्यक्षतामा कार्यक्रम सम्पन्न भएको थियो
