भक्तपुर भदाै २४ । नेपाली कांग्रेसका पूर्वसभापति शेरबहादुर देउवाले सर्वाेच्चले निस्सा दिएपछि कांग्रेसकाे चारतारे झण्डाकाे आधिकारिकता पनि आफूहरूलाई दिने दाबि गरेका छन। भक्तपुरमा बुधबार आयाेजित ११३ ओै बि पि जयन्ती अवसरमा बि पि र राष्ट्रिय मेलमिला बिषयक बिचार गाेष्ठीमा देउवाले दाबी गरेका हुन ।
देउवाले सर्वोच्च अदालतबाट आफूहरूले न्याय पाउने बताए ।
देउवाले गगन थापाले सनाखत नै नगरी विशेष महाधिवेशन गरेको बताउदै सनाखत गर्नुपर्ने र सहमतिमा बोलाउनुपर्नेमा त्यस्तो नभएको बताएका हुन् ।
देउवाले ‘कांग्रेसको विधानमा विशेष महाधिवेशन बोलाउने प्रावधान छ । विशेष अधिवेशन पार्टीले बोलाउने हो । सुवर्णशमशेर पार्टी सभापति हुँदा बीपी कोइरालासहितको सहमतिमा विशेष महाधिवेशन बोलाइएको थियो,’ देउवाले भने, ‘यसपटक पूरा सनाखत गराएर महाधिवेशन गराएको छैन । को–के हो ? को–हो ? कहाँको हो ? नभनी गगन थापाले विशेष महाधिवेशन बोलाउनुभयो । विशेष महाधिवेशनमा भाग लिने को हो ? सूचना त पाउनुपर्याे नि ? कुन जिल्लाको क्षेत्रको को हो ? सनाखत गर्नुपर्दैन ?’
आफूले सनाखत गराउन भने पनि थापाले हुन्छ दाइ मात्रै भनेको दाबी उनले गरे ।
